under featured image
Sky Link

मा कसम … डन भनेको डन नै हो के !

Above News Headline

बैशाख १२,
बिष्णु प्रसाद गौतम
कोरना महामारीले विश्वलाई आक्रान्त बनाइरहेको समयमा तीन महिना अगाडिमात्रै भारतीय चलचित्र उद्योगका स्टार महेशबाबुको अभिनय रहेको चलचित्र ‘हम से ना टकराना’ युट्युबमा रिलिज भयो । सायद त्यही फिल्म हेरेका थिए होलान् हाम्रा सांसद महेश बस्नेत र पूर्वआइजीपी सर्वेन्द्र खनालहरुले ।

उनीहरुले पनि महेशबावुकै शैलीमा विवाहको मण्डपबाटै नायिकालाई उठाएझैं समाजवादी पार्टीका सांसद उपेन्द्र यादवका पि्रय पात्र डाक्टर सुरेन्द्र यादवलाई जनकपुरबाट उठाएर काठमाडौं ल्याए ।

तर, बस्नेतले २४ सै घण्टा पहरा दिनुपर्ने थियो, उनले त्यो गर्न सकेनन् र यादव होटलबाट भागे । काण्ड छताछुल्ल भयो ।

फिल्म त्यतिमै सकिँदैन । महेशबाबुको योजना राजनीतिक एजेण्डा नै हो । राजनीतिक एजेण्डाकै लागि महेशबाबुले निमुखा जनतालाई गाँस र वासको कुरा गर्छन् । यो कामका लागि महेशवावुले फिल्ममा जनताको समर्थन बटुल्छन् ।

तर, विडम्वना । महेशबाबु जनभावना अनुसार चले पनि हाम्रा महेशबाबुहरु चाहिँ हावा भरेको बेलुनझै झोक्का चले र विवादित बने । उनलाई राजनीतिक हावा सुरुबाटै भरे अहिलेका प्रधानमन्त्री केपी शर्मा ओलीले । महेश वस्नेतका राजतीनिक गुरु पनि हुन् केपी ओली ।

Bg Hospital

नेपालका दुई कम्युनिष्टवीचको टकरावलाई निरन्तरता दिनका लागि महेश वस्नेतलाई युथ फोर्सको संस्थापक अध्यक्षकेपी ओलीले नै बनाएका हुन् ।सांसद बस्नेत आफूमा लागेको डनको छविलाई सुधार्न चाहन्थे । एक ईमान्दार कार्यकर्ताले पार्टी अध्यक्षको निर्देशन मान्नु राजनीतिक धर्म पनि हो, उनले त्यो पूरा गरे ।  नेकपा नेतृ दिलु पन्तले एउटा अनलाइनलाई अन्तरवार्ता दिँदै भनेकी छिन् ‘राजनीति गर्नु र गुण्डा हुनु फरक-फरक विषय हुन् । व्यक्तिको सेवाले राजनीति चल्दैन ।’

महेशको राजनीतिक यात्रा सकिएको छैन । जसरी मैले हेरिरहेको महेशवावुको फिल्म पनि सकिएको छैन । एक घण्टा ५४ मिनेटको फिल्मको आधाआधी मात्रै हेरेको छु । अब फिल्मको समापन महेशवावुको जयजयकारमा सकिन्छ कि महेश बस्नेतको जस्तै हुन्छ ? दुवै थाहा पाउन केही समय कुर्नु नै पर्ने हुन्छ ।

महेश बस्नेतको राजनीतिक टर्नमा जोडिन पुगे खुँखार सोकल्ड डनहरुलाई टोलेगुण्डाको संज्ञा दिन खप्पिस पूर्वप्रहरी प्रमुख सर्वेन्द्र खनाल । नेपालको बेमौसमी राजनीनिक अपहरणमा केन्दि्रत काण्डका अर्का नायक हुन् उनी । उनले प्रहरी प्रमुखमा इन्ट्री मारेका बेला बोलेका थिए अब टोलेहरुको बाजा बजाउँछु । सायद अपहरण काण्डमा गरिएको उनको राजनीतिक इन्ट्रीले उनको कस्तो बाजा बज्छ । प्रधानमन्त्री तथा नेकपा अध्यक्षकै भाषामा कर्कस धुन वा सुमधुर धुन बज्छ ? त्यो पनि केही समयमा देखिएला ।

महेश बस्नेत, केपी शर्मा र सर्बेन्द्र खनालज्यू म एक चलचित्रप्रेमी पनि हुँ । मलाई साउथ स्टाइलको राजनीतिक फिल्ममा पनि सफल हुने ठूलो धोको छ, जसरी महेश बस्नेतलाई राजनीतिक ‘डन’ बन्ने धोको देखिन्छ ।

चोर, पुलिस र राजनीतिक डनका काण्डमा बनाइने फिल्मको उत्कृष्ट पात्र तपाईंहरु भन्दा अरु हुनै सक्दैन । अनि तपाईंहरुको व्यवहारले गर्दा पनि म मात्रै होइन सम्पूर्ण जनतालाई राम्ररी थाहा छ, डन भनेको डन नै हो । चाहे त्यो राजनीतिमा होस् चाहे, फिल्ममा होस् ।

लेखक :- बिष्णु  प्रसाद गौतम
Trident conecpt
vianet inside
PCC Mela

Leave A Reply

Your email address will not be published.