under featured image
Sky Link

‘ए मेरो हजुर ४’ को छायांकन आउँदो शुक्रबारदेखि सुरु

चलचित्रमा गायक दुर्गेश थापा अनुवन्धित

Above News Headline

पोखरा भ्वाइस संवाददाता, असोज १२, पोखरा

लकडाउनका कारण विगत ६ महिनादेखि रोकिएको चलचित्र ‘ए मेरो हजुर ४’को छायांकन आउँदो शुक्रबारदेखि सुरु गर्ने तयारी यसको निर्माणपक्षले गरेको छ । केही चलचित्रका निर्माताले असोज १५ गतेबाट छायांकन सुरु गर्ने बताइरहँदा चलचित्र ‘ए मेरो हजुर ४’का निर्माताले भने शुक्रबारदेखि चलचित्रको छायांकन सुरु गर्ने तयारी गरेको बताएका छन् ।

चलचित्रको ५० प्रतिशत छायांकन लकडाउन अगाडि सकिएको थियो । बाँकी ५० प्रतिशत छायांकन अब गर्ने तयारी निर्माता सुनिलकुमार थापाले गरेका छन् । उनले, गीत छाडेर करिब १५ दिनमा अरु छायांकन सकिने बताए । उनले भने–‘काठमाण्डौ भित्रका लोकेशनमा गीतबाहेक करिब १५ दिनमा सबै काम सक्छौ । गीतको छायांकन पछि गर्ने तयारी गरेका छौ ।’

Bg Hospital

अनमोल केसी, सुहाना थापा, सलोन बस्नेत लगायतका कलाकारको मुख्य भूमिका रहेको यो चलचित्रलाई यो बर्षको दशैंमा रिलिज गर्ने तयारी निर्माणपक्षको थियो । तर, कोरोना भाइरसका कारण यो संभव हुन सकेन ।

यसैविच, चलचित्रमा गायक दुर्गेश थापालाई यसको निर्माणपक्षले अनुवन्धित गरेको छ । निर्देशक झरना थापा, निर्माता सुनिल कुमार थापा र कोरियोग्राफर रामजी लामिछानेले दुर्गेससँग आज भेट गरेका हुन् । दुर्गेशको बिषयमा निर्माता थापाले भने–‘हामीलाई गीत पनि गाउने र अभिनय पनि गर्ने एक जना गायकको आवश्यकता थियो । दुर्गेससँग केही समयदेखि कुरा भैरहेपनि आज संझौता भएको हो । चलचित्रमा पनि दुर्गेस आफ्नै परिचयमा देखिनेछन् । चलचित्रमा एउटा गीत र केही दृश्यमा दुर्गेस देखिनेछन् ।’

यसअघि गायक थापाले चलचित्र ‘छ माया छपक्कै’को एउटा प्रमोशन गीत गाएका थिए भने सो गीतमा अभिनय पनि गरेका थिए ।

Trident conecpt
vianet inside
PCC Mela

Leave A Reply

Your email address will not be published.