under featured image
Sky Link

मनाङको माइनस २६ डिग्रीमा खिचिँदैछ ‘प्रेमगीत ३’

Above News Headline

२०७६ पुस ३ गते
निर्माण अगावैदेखि स्टारकास्टका कारण चर्चामा रहेको यस वर्षको प्रतिक्षीत फिल्ममध्ये एक ‘प्रेमगीत ३’ को गएको १० दिनदेखि हिमाल पारीको जिल्ला मनाङमा छायांकन भैरहेको छ । फिल्मको ४५ प्रतिशत छायांकन काठमाडौंको कीर्तिपुरमा भब्य सेट खडा गरेर खिचिएको थियो । इनडोर छायांकन पूरा भएपछि निर्माण टिम आउटडोर छायांकनका लागि मनाङ पुगेको हो ।

जाडोको उच्च विन्दुका बावजूद पनि सिंगो टिमले लगावका साथ काम गरिरहेको निर्माता तथा निर्देशक सन्तोष सेन बताउँछन् । ‘हिउँ परिरहेको बेलामा छायांकन गर्नुपर्ने दृश्य भएकाले गाह्रो चाहिँ भएको छ । माइनस २६ डिग्री तापक्रमसम्म पनि टिमले मेहनतका साथ काम गरिरहेको छ,’ उनले भने । उनले अहिलेसम्म फिल्मको कुल ७५ प्रतिशत छायांकन पूरा भएको बताए ।

Bg Hospital


उनका अनुसार, कुनै समस्या नआएको खण्डमा अबको १० देखि १५ दिनभित्र फिल्मको सम्पूर्ण छायांकन सकिनेछ । फिल्मको छायांकन सँगसँगै सम्पादन पनि एकसाथ चलिरहेको छ । यसकारण निर्माण टिम छायांकन सकिए लगत्तै प्रचार-प्रसारमा निस्कने तयारीमा छ । फिल्मका लागि सबैभन्दा ठूलो खर्च सेट निर्माण र मुस्ताङबाट झिकाइएको घोडामा भएको सेनले बताए ।

हिउँले सेताम्मे मनाङको डाँडा र हिउँ परिरहेको अवस्थामा छायांकन गरिएका केही तस्विरहरु निर्माण टिमले बाहिर ल्याएको छ । तस्विरमा फिल्मका कलाकार, निर्देशक तथा प्राविधिकहरु लगावका साथ काम गरिरहेका देखिन्छन् । फिल्ममा अभिनेता प्रदीप खड्का तेस्रो पटक ‘प्रेम’ कोे भूमिकामा देखिँदैछन् । भने, नव-अभिनेत्री क्रिस्टिना गुरुङ ‘गीत’ कोे भूमिकामा छिन् ।

छेतेन गुरुङ र सन्तोष सेनको संयुक्त निर्देशनमा बनिरहेको फिल्ममा शिव श्रेष्ठ, सुनिल थापा, सन्तोष सेन, माओत्से गुरुङ, मनिष राउत, पुस्कर कार्की, प्रेम पुरी, लक्ष्मी वर्देवा, अनुभव रेग्मी, योगिशा खत्रीलगायतका कलाकारको पनि अभिनय छ । चैत २८ गतेबाट प्रदर्शनमा आउने फिल्ममा कल्याण सिंह र एलिश कार्कीको संगीत छ भने राजेश श्रेष्ठको छायांकन छ ।

Trident conecpt
vianet inside
PCC Mela

Leave A Reply

Your email address will not be published.