हात्तीछाप फस्टलुकमा दया र उपासना

काठमाडौं । माघको २६ गतेबाट रिलिज हुन लागेको फिल्म ‘हात्तीछाप’ चर्चामा छ । विशेषगरि, फिल्मका कलाकार र यसको टिमका कारण चर्चा गर्मिएको हो । यो फिल्मको मेकरले गत साता नायक सौगात मल्लको मात्र लुक्स समावेश गरेर पोष्टर दर्शकमाझ सार्वजनिक गरेको थियो । तर, आज सार्वजनिक गरिएको पोष्टरमा भने नायक दयाहाङ राई र नायिका उपासना सिंह ठकुरीको लुक्स सार्वजनिक गरिएको छ ।

यो फिल्ममा दयाहाङ राई, सौगात मल्ल, विल्सन विक्रम राई, उपासना सिंह ठकुरी, बेनिशा हलमा, बुद्दि तामाङ, बिजय बराल, कमलमणि नेपाल, पुष्कर गुरुङ, प्रकाश घिमिरे, भोलाराज सापकोटा, बिनोद न्यौपाने, कबिता आले, सुष्मा निरौला, रीयर राई, अनुप न्यौपाने, स्वस्तिका खड्का, नारायण खाती, अनिता गिरी, बेन भुजेलको मुख्य भूमिका छ । फिल्मलाई प्रदीप भारद्धाजले लेखेका हुन् ।

किरण नेपालीको प्रस्तुतिमा तयार भएको फिल्मका कार्यकारी निर्माता सरोज नेपाली हुन् । फिल्ममा पुष्कर गुरुङ र अमला देवी राइको लगानी छ । सुशान्त प्रजापतिले फिल्मको छायांकन गरेका हुन् ।

यो फिल्मको अब एउटा मात्र गीतको छायांकन हुन बाँकी छ । फिल्मले बक्स अफिसमा सुखद कमाई गर्ने विश्लेषण गरिएको छ ।