दिमाग खराबको प्रदर्शन नरोकिने

काठमाडौं । फिल्म ‘दिमाग खराब’को प्रदर्शन नरोकिने भएको छ । बिहीवार फिल्म निर्माता र प्रदर्शक संस्था चलचित्र संघबीच प्रदर्शनलाई निरन्तरता दिने निर्णय भएको हो ।

संघको कार्यालय विशालनगरमा बसेको बैठकपछि महासचिव नरेन्द्र महर्जनले विज्ञप्ती जारी गर्दै मंगलबारसम्म फिल्म प्रदर्शन जारी रहने जानकारी दिएका छन् । उनका अनुसार मंगलबार पुनः अर्को चरणको बैठक बस्ने सहमति भएको छ ।

बैठकमा फिल्मका तर्फबाट निर्माता रौनक विक्रम कँडेल, निर्देशक निश्चल बस्नेत र वितरक गोविन्द शाही सहभागी थिए ।

आफ्नो फिल्मको भन्दा विदेशी फिल्मलाई बढी शो दिएको भन्दै निश्चलले आपत्ति जनाएपछि निर्माण पक्षले शुक्रबारदेखि हलमा फिल्म दिमाग खराब प्रदर्शन गर्ने भन्दै विज्ञप्ती जारी गरेको थियो ।