under featured image
Sky Link

लोकदोहोरी गीतको चर्चित कार्यक्रम इन्द्रेणी अब हिमालय टेलिभिजनमा

Above News Headline

२०७७ मंसिर ९, लोक तथा दोहोरी गीतको चर्चित कार्यक्रम इन्द्रेणी अबदेखि हिमालय टीभीमा प्रसारण हुने भएको छ । हिमालय इन्द्रेणीका रुपमा हरेक दिन सााझ ६ बजेदेखि कार्यक्रम प्रसारण हुने हिमालय टेलिभिजनले जनाएको छ ।

बिगत १० बर्षदेखि प्रसारण हुँदै आएको यो कार्यक्रम इन्द्रेणी समाजले उत्पादन गर्दछ । कोरोना कहरका कारण केही महिना रोकिएको कार्यक्रम अबदेखि हिमालय टेलिभिजनमा प्रसारण हुने कार्यक्रमका सञ्चालक कृष्ण कँडेलले जानकारी दिए । नेपाली लोकगीत संगीतको संरक्षण र प्रर्बद्धन गर्दै संगीतमार्फत् असहाय एवं पिछडीएका मानिसलाई सेवा पनि गर्ने आफ्नो उदेश्य बमोजिम कार्यक्रमलाई स्तरोन्नती गरी एचडी क्वालिटीमा हिमालय टीभीमा प्रसारण गर्न लागिएको कँडेलले बताए । आम दर्शकको सुविधालाई ख्याल गरी प्राइम टाइममै कार्यक्रम प्रसारण गर्न लागिएको उनले बताए ।

Bg Hospital

इन्द्रेणी लोकगीत संगीतका पारखीमाझ निकै लोकप्रिय छ । देशभरी पुगेर स्थानीय संगीत र प्रतिभाहरुलाई समेत स्थान दिइरहेको इन्द्रेणीले लोकप्रिय कलाकारलाई कार्यक्रम निम्त्याउँदै रोचक दोहोरीसमेत खेलाउँदै आएको छ ।

दर्शकले रुचाएका नम्बर एक कन्टेन्टलाई स्थान दिने नीति अन्र्तगत नै इन्द्रेणीलाई प्राइमटाइम दिएर प्रसारण गर्न लागिएको हिमालय टेलिभिजनका कार्यकारी निर्देशक श्याम कँडेलले जानकारी दिए ।

Trident conecpt
vianet inside
PCC Mela

Leave A Reply

Your email address will not be published.